近期成功瘦身的美國巨肺天后Christina Aguilera受訪時大談性感，認為不經意性感才是最性感，還直言曾對同性有反應，實行戀愛無界限！

C：Christina Augilera 記：記者

記：你點樣定義性感？

C ：我係一個好平凡嘅女仔，我着一件普通冷衫甚至男裝內褲已經覺得好舒服，如果做太多嘢去賣弄性感，反而會弄巧反拙，性感應該係要不經意。

記：性感係咪冇得教，需要自己領悟？

C：問題好複雜！例如喺《完美SING戰》（The Voice）做評判時，開始時冇睇到參賽者本人，但一定會從佢哋嘅聲音感受得到。社會上嘅人對性感嘅定義有好多唔同意見，我會從所有人嘅意見發掘出無限可能。

回味咀娜姐

記：喺2003年嘅MTV音樂錄影帶頒獎禮上，你同麥當娜（Madonna）、Britney Spears三人當眾咀嘴，你覺得到今時今日仲會唔會好似當年一樣震撼？

C：我覺得時間令人嘅感覺愈嚟愈麻木，挑逗性表演已經好普遍，你會喺收音機聽到Katy Perry嘅《I Kissed a Girl》，Rihanna亦好舒服咁展示佢嘅性感。我亦有認過對女性有反應，我喜歡敢作敢為嘅女性。

記：你覺得男人喺床上應該點樣嘗試唔同嘅嘢？

C：每一樣事情都要討論，特別係一對一齊咗好耐嘅情侶，但你唔能夠將自己嘅意見硬推畀對方。如果你覺得對方有唔舒服，你可以用另一種方法嘗試，或者索性忘記件事囉！

記：男人要不要識唱歌先能夠令你情慾高漲？

C：完全唔需要！如果佢坐喺度攞起結他為我唱情歌，我會覺得好奇怪，而且會想立即走！

自己養自己

記：你鍾意點樣嘅男人？

C：我鍾意真誠嘅男人，所以我會同名人保持一段距離。我唔介意金錢，我有能力養活自己，我愛保護我嘅熊Bear Bear。同愛侶做愛係一個消除疲勞嘅有效方法，我係一個唔鍾意太勞累嘅女人。

記：有咩能夠令你興奮？

C：前奏係好重要，即使係喺頸上錫一下，最重要係要記住去做一啲小事去提升大家的情緒！我覺得從工作返到屋企，有人整芝士三文治，喺枱放上鮮花、紅酒同蠟燭已經好完美，愈簡單愈性感！