「Cool魔」張智霖昨日舉行簽唱會，他獻唱時全場粉絲大合唱，氣氛高漲！對於其主演的《衝上雲霄II》劇情被指與現實不符，作為視帝大熱的他力撐空姐與機師都可做朋友。

張智霖

張智霖（中）與現場觀眾在台上行Catwalk，鬥Chok樣。

張智霖（左）與郭富城（左三）的愛駒勝出，當然要開香檳慶祝。

張智霖獲大批粉絲支持，認真魅力沒法擋！

張智霖（Chilam）昨日現身黃埔為單曲碟舉行簽唱會，吸引逾百名粉絲捧場，與粉絲玩遊戲及獻唱經典金曲，當他演繹《歲月如歌》時不慎忘記歌詞甩嘴，幸好現場粉絲齊心大合唱，令他相當窩心。談到唱片銷量，Chilam表示新碟是限量版，只印3,999隻：「其實已經冇晒，喺第一日已經賣晒，但唔會加印，不過希望粉絲唔好介意，我哋展望下一隻碟，下年年頭就會出㗎喇！」提到有空姐指《衝上雲霄II》，機師與空姐的複雜關係與現實不符，他說：「我哋只可以左右自己嘅表現，唔可以左右個劇本嘅創作，我覺得做好本分就夠。」他又慨嘆未能出席無綫台慶：「今年有好多是非，希望可以盡快平息干戈。」

「魔童」收狗做禮物

提到兒子張慕童（魔童）日前7歲生日，問到送了甚麼禮物給他？他說：「我應承過佢7歲生日會買隻寵物畀佢，所以屋企最近多咗一個新成員，係一隻狗仔，希望佢會更有愛心，成為一個識得照顧動物嘅小朋友，但點知照顧隻狗嘅都係我！」他又說：「其實我都好多年冇養過狗，因為我驚傷心，始終佢哋嘅壽命都唔係太長。」

此外，張智霖和郭富城昨日齊齊到馬場為愛駒「愛將」打氣，結果勝出並拉頭馬，二人開香檳慶祝，又透露希望愛駒向經典一哩賽進軍。