曾傳因胡杏兒而不和的黃宗澤（Bosco）和胡定欣，日前為無綫新劇《點金勝手》到中環九號碼頭拍攝外景，未知是否因現場有記者，兩人在鏡頭前後都有講有笑，完全交足戲。劇情講述，Bosco半跪送上戒指向定欣求婚，當女方點頭答應後，他即開心得抱起穿短裙的定欣轉圈。當導演嗌Cut機後，定欣第一時間問記者：「有冇影到我走光？」

黃宗澤半跪向胡定欣求婚，睇見都辛苦！

被黃宗澤抱起的胡定欣，裝作開心到「飛」起，果然交足戲！

不用埋位時，定欣獨自站在旁邊傾電話，其後拍攝兩人戴戒指鏡頭時，兩人蝦碌地戴極戴唔到，定欣搞笑地鬧Bosco：「我未試過吖嘛！你試過咩？」直至劇組收工，有粉絲上前要求兩人合照，他們都來者不拒，其後隨工作人員上車換衫收工，期間見兩人似乎打回原形，全程冇傾偈。