日前有傳周麗淇（Niki）低薪拍劇換獎，與「視后大熱」的鍾嘉欣鬧不和。嘉欣表示入行以來從未與別人不和，並自言與Niki不熟，但相信對方不會耍手段換獎項。

嘉欣自言入行至今從未與人不和，並自爆身價不高。

鍾嘉欣親手畫聖誕卡，粉絲係咪好想要一張呢？

有傳周麗淇對視后寶座虎視眈眈。

鍾嘉欣昨日到屯門市廣場出席《最完美的聖誕》活動，並於席上展示親自繪畫的聖誕卡。提到與周麗淇傳不和，嘉欣說：「傳言係創作，我同周麗淇從來冇合作，最多喺節目巡禮或者頒獎禮見過面。我哋唔熟，只係點吓頭。（傳周麗淇低薪拍劇換獎，令大熱嘅你同佢不和？）佘詩曼之前喺訪問中講過：『嘉欣係唔會同人不和。』我入行至今從未試過同人不和，唔信周麗淇會咁做。其實我價錢都唔高，同選完美之後個價比，只係高少少，佢肯定貴過我！」

預告「男友」聖誕冇禮收

另外，提到吳建豪前日結婚，其緋聞男友伍允龍為對方做兄弟，她說：「我都識吳建豪同佢太太，但我冇時間揀禮物。知道佢哋結婚都好開心，祝佢哋白頭到老，一生一世！（羨慕人哋一雙一對？）做人唔好羨慕同妒忌，走自己嘅路。（有冇聯絡伍允龍？預備送咩聖誕禮物畀佢？）有WhatsApp，我忙拍劇冇時間揀禮物，應該都分唔到身接商場活動。今年呢兩個月搵少好多錢，但神會安排，或者新年時會補番！希望朋友唔好見怪（冇禮物），最多遲啲我請食飯。」