名模Mandy Lieu師妹朱韻韻(Angel)早前到日本京都旅行,Angel表示事先已經做定功課,希望可以一嘗穿和服滋味,她說:「喺京都着和服其實係好普遍,所以我一早上網預約咗着和服,着好晒之後,仲會有日本姐姐幫我Set頭先出街,感覺好專業。」

化身「和服美少女」的Angel,自爆被當地人誤認是日本人,令她哭笑不得:「我着住和服入到間壽司店,一入到間舖頭,侍應就同我講晒日文,原來佢以為我係日本人,我即刻話我係香港人。」

Angel更笑言着和服着上癮,返到酒店也捨不得更換,她說:「我喺酒店係咁影相,唔捨得除呀!不過其實着和服好唔方便,去廁所比較麻煩,所以我全日都唔係好敢飲水。」