歌手連詩雅（Shiga）昨日與衞蘭（Janice）、鄭融及馮允謙出席狗狗活動，早已榮升「媽咪」的Shiga提到「囡囡」Pinky當年慘成病狗：「用一萬蚊買佢返嚟，第二日突然又屙又嘔，即刻打番去狗店問，佢話可能係唔適應新環境，之後聽朋友講嗰間係黑店。（隻狗仲喺度？）喺，用咗一萬蚊去醫。」Shiga自爆當時因渴望做媽咪才買Pinky：「已經有好多朋友提供生仔嘢畀我，好似雪卵子同搵代母，希望35前歲生BB。」同場的Janice大方承認曾與男伴遊公園，更坦承兩人處於了解階段：「大家係教友，喺教會見過佢父母。」

Shiga出席狗狗活動，憶述當年花費萬元醫愛犬。