女星劉嘉玲與名流鄧永鏘（David）合資的生活品牌「Tang Tang Tang Tang鄧鄧鄧鄧」昨日於灣仔隆重開幕，David除動員全家到場外，還請來老友兼國際超模Kate Moss（姬摩絲）擔任剪綵嘉賓，雖然姬摩絲拒受訪，但全程表現興奮，不時隨着現場音樂擺動身體。而嘉玲亦不輸蝕，獲老公梁朝偉突然現身撐場。問到以多少酬勞邀請姬摩絲？David舉起兩隻手指作狀發誓說：「唔使錢，我發誓真係冇。佢係嚟撐我場，尋晚嚟，今晚走，我係借佢個名。」

鄧永鏘（左起）、姬摩絲、劉嘉玲及梁朝偉齊齊剪綵慶祝新店開張。

劉嘉玲獲老公梁朝偉驚喜現身撐場，喜上眉梢！

姬摩絲全程表現興奮，心情大靚。

嘉玲自爆姬摩絲是她的頭號偶像，又自言與David互相欣賞及相信他的夢想，故投資了逾千萬元入股。對於偉仔出現支持，她甜笑說：「佢要畀大家一個驚喜。」提到早前在節目中重提多年前被綁架事件，她說：「我唔介意講，我過咗。（你話當時諗過跳樓？）係呀！我要感謝呢件事令我堅強，想借呢件事同後生講，冇乜嘢係過唔到。（呢件事令你同偉仔感情更進一步？）佢一直係我嘅支柱。」另外，嘉玲在前晚的節目中表示與偉仔初相識的第一個印象是頗靚仔，但性格孤僻怪異，又自爆有潔癖。