有傳台灣藝人吳佩慈出席吳建豪於洛杉磯舉行的婚禮卻又未見現身，其經理人受訪時證實吳佩慈的確沒有到場，因為她要留在家中養胎。而與新郎哥吳建豪相識近十年的錢嘉樂，昨受訪時亦表示已傳短訊恭賀：「開心佢兩個有情人終成眷屬，祝白頭到老、永結同心！（交情？）我哋識咗十年啦！我結婚時，佢都有傳短訊恭賀我！（識佢太太？）未介紹過，希望佢忙完婚事，有機會介紹畀我識吓！」嘉樂與吳建豪結緣於2004及2005年合作電影《少年阿虎》和《猛龍特警隊》，嘉樂稱雖各有各忙，但亦有保持聯絡：「好開心睇住佢由樂隊組合轉型動作演員，認真到去少林寺學功夫，好欣賞佢咁專注、投入！」