女新人AGA(江海迦)不時埋頭苦幹寫歌仍能保持健康的體魄,原來全靠愛吃自己一手一腳種的蔬菜,她說:「以前有個教會Auntie好鍾意種嘢,就叫我都試吓,因為出面買嘅都唔係好新鮮,咁我就開始種吓薄荷葉同火箭菜等等,整沙律時就加埋落去食!」AGA又笑言覺得親手種的菜特別清甜:「真係甜啲!唔似超市買番嚟嗰啲咁重雪味。」除了愛吃沙律,白烚西蘭花亦是AGA Keep Fit的至愛,貪其不油膩又快飽。

AGA皮膚又白又滑,與食得健康不無關係!

AGA閒時會跳舞做Gym,Keep住美好身形。

愛吃沙律的AGA會親自種菜食,貪其慳錢又有益!

與師兄林德信(Alex)稔熟的AGA表示,不時會相約Alex和一大班朋友做Gym:「我鍾意喺Gym房跑多過喺街跑,貪Gym房嘅跑步機可以幫我計晒心跳同卡路里等等,最緊要係一攰就可以即刻走!」除了做運動,護膚亦是女人的首要任務,但皮膚超敏感的AGA卻不敢亂製面膜,擔心弄巧反拙。