娜姐「被拍拖」谷票房

演員周秀娜、盧頌之（DaDa）及余曉彤（Hidy）前晚密實現身旺角為新片《爆3俏嬌娃》謝票，娜姐揚言要視乎票房才決定會否性感，DaDa則說：「慢慢剝啦！」Hidy即笑指若票房到1,000萬元會爆DaDa的男友身份，到3,000萬元就爆娜姐的男友，娜姐無奈地說：「到時冇都會爆個出嚟！」問到會否叫舊愛捧場？她反問：「邊個？（陳偉成！）有叫晒電話簿所有朋友。（你刪除咗佢電話喎？）總之希望所有觀眾支持！（叫陳偉成帶女友捧場？）入場支持就開心。」DaDa即幫口：「嗰個人個女人可能喺屋企爆得仲勁，睇夠啦！」另外，娜姐接受TVB Good Show台節目訪問時表示不介意忘年戀。