影后劉嘉玲於清談節目中大爆曾為幫好友上山詩鈉而求張曼玉買保險一事，盡顯對朋友有情有義一面，她又指好姊妹王菲很值得信任。

上山詩鈉（右）當年做保險，多得劉嘉玲幫手拉生意。

劉嘉玲（左）接受黎芷珊訪問。

劉嘉玲於前晚播出的一集《最佳女主角》提及多年前的不快事，更談及與張曼玉、吳君如及王菲的多年姊妹情。

節目中，主持黎芷珊以「不死鳥」形容嘉玲，嘉玲坦言無論是當年的不快事或是失落獎項的事，沒有甚麼不可言，因為這些事只會令自己更堅強。她表示當年大美人林青霞曾寫「接受、面對、處理、放下」八個字贈她，令她一生受用。

談到圈中好姊妹，嘉玲形容王菲「很小朋友」，又指所有事情都可跟王菲分享：「佢好值得信任、可靠嘅朋友。」而嘉玲為人重情義，好友上山詩鈉當年從事保險業，她原來曾出面游說其他友人幫襯，包括張曼玉（Maggie），嘉玲憶述：「我真係好似Sales咁同佢Sell，Maggie問我做乜咁落力，我話：『我都買咗，你都買啦！』佢話：『你求我啦！求我就即刻買。』我話：『好！我求你。』佢亦好爽快咁買咗。」她又笑指朋友會叫她「嘉玲哥」，因她夠豪氣。

「九龍女」結伴蒲老蘭

此外，嘉玲又指當年與Maggie、吳君如等「九龍女」經常一齊蒲，更由君如帶隊落蘭桂坊：「我會去君如屋企沖涼、化妝，佢會教我哋着衫，又介紹我識陳百強、張國榮，佢識好多呢啲人，嘩！呢個女人好神奇。」

另外，嘉玲與梁朝偉原定今日出席灣仔舉行的Lifestyle Store首間旗艦店活動捧鄧永鏘場，但因臨時有事，未能現身。而國際超模姬摩絲（Kate Moss）則已秘密來港為老友鄧永鏘是次活動擔任特別嘉賓，認真畀面。