周汶錡前晚出席有關助養兒童的活動，她表示有助養內地兒童：「以前都會寫信畀佢哋，但依家助養得太多喇！好慚愧，覆唔晒。（想生BB？）想，慢慢嚟，會生但唔知幾時。」她又透露之前婚禮收到的人情已全數捐予慈善機構：「啱啱搞掂，因為有好多機構。（老公知唔知？）老公都唔知道，呢啲嘢唔需要周圍同人講。」

周汶錡（左）計劃稍後才做媽咪，蒙嘉慧則不打算生BB。

同場的蒙嘉慧被問到是否喜歡小朋友，她表示想幫助老人家多一點，她亦應該不會生BB。問到老公鄭伊健公開對她唱情歌是否很冧？她自言一向沒有音樂感，所以完全不知道：「知道就梗係冧。」