由江若琳(Elanne)、台灣男星范逸臣及徐正曦等主演的都市偶像劇《愛閃亮》日前在北京舉行發布會,宣布將在江蘇衞視作全國獨家首播。劇中Elanne對首次合作的范逸臣死心塌地,但對方的慢熱性格令她相當無奈:「佢喺片場完全唔睬我,大家零交流,我懷疑佢係咪討厭我呢?之後發現佢好慢熱,對每個演員都係咁!所以我採取主動,投其所好傾吓音樂,一到片場就一齊唱歌,依家變成無所不談嘅好友喇!」

江若琳指范逸臣性格慢熱,在片場要不時主動撩他吹水。

Elanne飾演野蠻千金,經常喝罵身邊人,她直言與角色性格相反,因此挑戰甚大:「我係個唔會鬧人同對感情唔會勉強嘅人,收到劇本時好開心,終於可以試吓演呢啲小反派,希望觀眾唔好憎我。」