胡杏兒前晚到銅鑼灣出席聖誕活動,將投入拍攝新劇《醋娘子》的她,問到平安夜可有男士邀約慶祝?她笑說:「冇人約呀!平安夜對我嚟講係好遙遠嘅事。」談及開劇會否令年底聖誕、新年少賺外快?她說:「少少,倒數會出席活動,其他就要睇度唔度到期。」

對於有指因馬賽「攣情」拖累無綫藝人形象,令其他藝人出騷價下跌,杏兒說:「唔會啦!唔可以話一個藝人就影響到公司,好似鍾嘉欣呢排都好Hit。」有傳其十萬元出騷價已被嘉欣超越,杏兒說:「咁咪好,戥佢開心,我有嘢做有機會着靚衫就得,我唔知嘉欣咩價,十萬係講港幣定人民幣先?總之我係開心價。」

對於台慶頒獎禮視后之爭,杏兒則說:「我冇乜機會,攞獎要睇天時、地利,大家都唔記得《衝上雲霄II》啦!都播咗咁耐,今年睇好嘉欣、子珊,自己煩着咩衫多過有冇獎。」