李亞鵬今年9月與王菲結束8年姻婚，昨晚出席活動時心情靚爆，揚言忙得沒心情悲傷，還扮食舞獅的生菜，心情大靚，而同場的黃奕希望早日搵到另一半。

（左起）：四太、李亞鵬、黃奕
離婚後的李亞鵬竟表示「沒心情悲傷」，更風騷扮吔生菜。

李亞鵬

嘉玲認為緣分不能強求，亦不擔心老友王菲。

昨日是內地「光棍節」，回復單身的李亞鵬昨日偕黃奕、胡軍及賭王四太梁安琪等為腕錶品牌開幕剪綵儀式擔任嘉賓，吸引半百傳媒採訪。李亞鵬全程笑容滿面，跟黃奕有講有笑，進行醒獅儀式時又風騷地扮食生菜，但一早明言不受訪。至於黃奕則笑說：「祝亞鵬脫離光棍，他一直都很有市場，還是帥哥。」

其後李亞鵬出席品牌慶祝派對，問到離婚心情？他簡單地說：「很忙，沒有心情悲傷。」繼而匆匆入場。王菲好友劉嘉玲亦有出席，她透露事前不知與李亞鵬同場，感到愕然。對於黃奕想李亞鵬脫離光棍，嘉玲反問：「今晚即刻可以咩？咁我要努力幫佢搵女朋友喇！唔使擔心，佢依家好好。（介紹男仔畀王菲？）你哋唔好夾硬嚟，你覺得我可以幫佢哋決定揀邊個男女朋友咩？佢哋咁有主見。」另外，四太表示生日已訂中餐廳為何鴻燊慶祝生日，會例牌送肉嘴，又希望女兒超盈趕快成家立家，但未知超盈是否已拍拖。

反向偉仔求婚

另外，嘉玲接受《最佳女主角》訪問，自爆與梁朝偉拍拖時，一到浪漫時刻偉仔就會向她求婚，但她均以「未到時間」拒絕，直到2007年，嘉玲主動要求結婚，偉仔反問：「咁大年紀先做呢樣嘢？」