任白慈善基金為向今年百歲冥壽的粵劇名伶任劍輝致敬，特意重演經典戲寶《再世紅梅記》，演出的陳寶珠、梅雪詩（阿嗲）及師傅白雪仙昨日在尖沙咀出席記者會。

陳寶珠（右）與阿嗲自知仙姐要求高，故承諾盡全力演出。

阿嗲（左起）、仙姐及陳寶珠齊為重演的《再世紅梅記》造勢。

經驗豐富的寶珠姐及阿嗲背後有個出名嚴厲的仙姐，寶珠姐說：「點都做唔到任白嘅水準，惟有用心演個角色，多謝師傅畀機會我！」身旁的仙姐則叫她要有信心。問到今次演出是否倍感壓力，寶珠姐起勢點頭說：「仙姐一路以嚟做事都好嚴謹，要求高都應該嘅，會盡力達到佢要求。」而一開口即被仙姐教訓開場白講得麻麻的阿嗲，沒有不滿之餘，更謙虛地說：「我知喺仙姐心目中我係冇用嘅人，但我會盡力去做。」