江美儀及準新娘汪圓圓昨日出席家品活動，江美儀在台上挑選了具和式味道的床單，並笑說：「男友鍾意睇日本戲，想佢唔好掛住睇戲，淨係睇我。」問到是否暗示男友愛看AV？她笑指經常聽到片中女主角講「吔媽爹」，其後稱只是開玩笑。至於會否與男友睇「四仔」？她自言熱情如火，再看就不得了，那麼男友會否偷看？她說：「佢偷睇咪由得佢囉！最緊要係睇完搵我解決就得，唔好搵其他人。」她又透露為台慶戰衣而煩惱，因不想過分性感，但又不可沒睇頭：「獻醜不如藏拙，我次次都畀高海寧（高Ling）嚇親。（你喺台慶有機會攞獎，會唔會着得性感啲？）年年都話我大熱，但年年都冇獎，着到咁靚只係陪坐。」又笑言今年要穿長袖衫，因為坐冷板櫈太凍。

江美儀及圓圓（右）一同出席活動，大可分享男女朋友相處之道。