羅蘭及王梓軒昨日出席信興集團《60周年鑽禧誌慶酒會》，下周三生日的羅蘭姐透露屆時會約教友食飯：「之後都要開工。（有咩願望？）都係想身體健康囉！因為個膝頭哥唔係咁好。」談到她的節目《龍婆一鬼一故事》在節目巡禮上反應最好，她笑說：「睇吓拍到出嚟收視係點。（拍節目有冇工時等要求？）冇喎！拍電影就會有工時要求，因為一超過12個鐘就要補20%人工。」她又大讚TVB十分照顧老人家：「導演會盡量快啲拍晒畀我哋快啲走，不過快極都點幾兩點，但拍嘢係咁。」

羅蘭透露生日會與教友食飯慶祝。

王梓軒對於歌曲《跳火坑》提名「金帆獎」感到十分開心。

而近期轉戰公仔箱的王梓軒被問到是否有信心在無綫的《勁歌金曲頒獎禮》上橫掃獎項，他說：「好難講，因為今年得兩首歌，都好開心其中一首《跳火坑》第一次提名『金帆獎』最佳旋律。」他又大爆緋聞女友兼經理人石祐珊原先不想推出此曲：「因為唔啱佢口味，我捱咗佢4、5個月嘅微言，直至有提名佢先冇再嘈。」