人氣急升的「星夢幫」鄭世豪被《好報》踢爆為豪擺婚宴而節衣縮食，孖女友篤魚蛋睇劏房。本報記者昨日致電世豪了解，他解釋只是路過研究一下，暫時沒有任何新計劃：「我對樓盤真係咩都唔識，不過唔係睇劏房啦！（想買樓？）呢個係天方夜譚，要樓價跌好多先做到。」

鄭世豪與女友到金舖睇金。

鄭世豪

談到他於無綫節目巡禮中獲客戶爭相邀拍照，他感謝大家厚愛，並透露想過找有關運動及牙膏的品牌客戶，可惜未能成事：「我好鍾意做運動，大家又讚我棚牙夠白，拍牙膏廣告一流。其實最大頭蝦係唔記得宣傳贊助我嘅珠寶商，因為我仲未搵到婚戒，想贊助商幫幫手。」此外，他又表示暫時沒有拍攝新劇集，但早前巧遇無綫唱片部高層何哲圖，他即時鼓起勇氣上前聊天，對方也稱或將來可以合作。