星煥歌手許廷鏗的《青春頌》在叱咤榜曾連續兩星期奪冠，有望打入十大奪得歌曲獎，他說：「有，當然係好事，入行三年都想可以上叱咤台攞獎。」對於無綫成立的星夢娛樂唱片將吸納星煥歌手，據知無綫開出十年約綁實歌手，他說：「我冇聽過，我一直同無綫有約，要加簽或者改合約應該會同我講，但仲未講，無綫好似我娘家，大家有得傾嘅。」而同公司的組合Super Girls坦言唱片約未落實，經理人正跟無綫洽談，她們未有擔心星夢娛樂會簽太多歌手而未獲力捧：「我哋好處係公司唯一一隊女子組合。（都要老闆何哲圖攬腰先得寵！）我哋冇腰可攬。」

許廷鏗大有機會憑《青春頌》奪歌曲獎，講起都開心。

馮允謙笑言有獎攞當奇迹。

Super Girls的唱片合約還未落實。

另外，英皇歌手馮允謙今年在叱咤走勢強勁，其歌曲《世界劇團》在四台流行榜都奪冠，有指他跟周柏豪夾擊陳奕迅，他說；「睇到同傳都係開心，我自己冇諗拎獎，有得拎係奇迹。」

第一手消息請下載on.cc東網iPhone/iPad/Android Apps