藝人范振鋒及李思欣昨日以夫妻檔為髮型大賽行騷，一頭彩色鬈髮配上誇張妝容的范振鋒搶晒老婆鏡，連思欣都笑說：「認唔到佢！好靚仔！」范振鋒笑指後悔沒有以此髮型結婚及會留待擺滿月酒，卻否認喜訊：「唔係，咁嘅樣點做人老竇？」並透露跟思欣拍廣告時常飾演夫妻，問到是否做膩了，他即急急補鑊：「做十世都做呀！」

造型誇張的范振鋒拍住老婆思欣搵銀，So Sweet！

范振鋒透露現手持好幾份合約，包括英皇電影的藝人約、無綫的藝員及歌手約，還正接洽唱片公司出歌，又大讚英皇條件好！而幾個月後便約滿無綫的思欣希望有更好的待遇或前景。