育有三名女兒的鍾麗緹，身材及樣貌依然保養得宜，她早前以一襲吊帶開胸貼身裙出席在北京舉行的時尚健康活動，大騷本錢！甫出現即吸引不少途人圍觀，更有Fans高聲吶喊，甚為墟冚！她透露Keep Fit方法是奉行少肉多菜，飯前先飲一大杯水，認為有助幫助消化：「消化好啲，連皮膚都好埋，我向來皮膚偏黑，依家好多人話我白咗好多。」她又說：「以前嘅我冇咁顧自己健康，但自從生咗女之後，開始覺得健康嘅重要性，因為三個女實在太可愛，我一定要身體健康，將來先可以見證佢哋每個成長階段，好想將來抱孫做婆婆。」她表示女兒長大得太快，故會珍惜與她們相處的日子，陪返學陪玩陪傾偈，絕不會做「嘮叨媽咪」！

艷光四射的鍾麗緹雖已是三女之母，卻依然有叫座力！

鍾麗緹提起囡囡即滔滔不絕，不停冧笑。