鄭少秋、黎瑞恩、何傲兒及戴夢夢等前晚盛裝出席大名娛樂25周年晚宴，久未露面的戴夢夢突然多了個「鈎鼻」，惹來整容疑雲，她反應甚大地說：「我一向咁高o架！你睇番我細個拍嗰啲電視劇，如果整過一定有人知！」她又強調不會整容：「自然啲好，化妝都OK啦，唔需要整容。」

秋官與何傲兒出席晚宴，真係畀面。

同場的秋官指難約女兒鄭欣宜食飯，問欣宜是否忙於拍拖，他說：「佢有冇認先？我唔能夠亂講。」再追問欣宜可有帶男友給他過目時，秋官口快快說：「今次冇，上次有！」間接踢爆欣宜蜜運中。