佘詩曼、梁靖琪及陳明恩等昨日出席「福幼慈善大纜盃」活動，對於外間批評無綫來年月曆粗製濫造，阿佘則認為各花入各眼，反而覺得今年公司有新構思，月曆有3D效果。最近忙於中港兩地出席活動搵真銀的她，稍後會為老友阮兆祥的演唱會擔任表演嘉賓：「表演乜嘢就暫時唔講得住，要保密，到時畀個驚喜大家。」她又指簽約TVBC後將會以拍內地劇為主，香港則每年拍一部電視劇，明年一月會返無綫開工。

佘詩曼透露明年一月會返回無綫拍劇。

撐着拐杖到場的梁靖琪，透露拍劇時不小心弄傷。

此外，梁靖琪撐着拐杖到場，她透露是拍攝新劇《點金聖手》「拗柴」受傷：「嗰日要拍一場打泰拳戲，但係太興奮，上咗台五分鐘就拗柴，醫生話韌帶輕微撕裂，大概三個禮拜先可以好番。」至於問到屬於「星夢幫」的陳明恩會否簽無綫的唱片部星夢娛樂？她說：「唔清楚，無綫暫時未搵我傾。但係嚟緊經理人公司會幫我出碟，依家仲差兩首歌未錄。」