田蕊妮高票贏角色獎響頭炮

田蕊妮、李司祺與貝安琪等前晚出席劇集《巨輪》結局飯局，田蕊妮飾演「文英」甚得網民歡心，以57.8%票數奪得「我至Like角色」獎，台上致感謝辭時一度眼濕濕：「好好彩遇到呢個角色，喺呢個角色身上我學到點樣為家人、為身邊男人無條件付出咁多。（老公杜汶澤即時恭喜你攞獎？）未收到佢電話，但都好多謝佢，因為就算佢唔喺香港錯過咗幾集，返嚟都一定即刻上網睇番，今次呢餐飯都有邀請佢嚟，但佢話唔好，咪自己約理一班朋友出面打邊爐睇。」而以黑色露背裙上陣的貝安琪頻頻坐到失晒儀態，但緋聞男友陳展鵬視而不見。