組合HotCha成員近年除了唱歌外，亦嘗試往其他方面發展，成員黎美言（Winkie）為了令演藝事業更進一步，趁影帝黃秋生開班授徒，即拜他為師成為入室弟子，更為一向形象火爆的秋生平反，力證他是慈祥老師！

為令演藝事業更進一步，Winkie趁機拜秋生為師。

Winkie為秋生平反，大讚十分慈祥！

Winkie（右二）與班上的同學打成一片，更笑言令她重拾讀書時的感覺。

今年HotCha三位成員分別於電視劇、舞台劇作多方面發展，Winkie表示今年主要時間放在進修上，學習不同課程自我增值。適逢黃秋生開班教演戲，Winkie自然不放過向名師學習的機會，但她曾擔心試鏡時不獲取錄：「我初初驚佢唔收，驚咗成個月，後來知道原來行內人唔使Casting就會取錄即時鬆一口氣。」雖然毋須經歷試鏡一關，但Winkie已做足準備：「我原本諗住表演Rap，因為佢哋話最好唔好做平時拿手嘅嘢，最後我都喺堂上面表演Rap，都幾尷尬，因為我根本唔識Rap。」

黃秋生一向給人嚴肅、火爆的形象，Winkie坦言初初都被秋生的威嚴震懾，但相處後才發現他有「鐵漢柔情」的一面：「我初初Feel到佢嘅威嚴，佢嚟上堂嗰陣我會好驚，直到有次佢同我講笑，我先發現原來佢好Nice、好慈祥，佢個外表只係假象，真人完全唔惡。」Winkie又盛讚另一位導師甄詠蓓（Olivia）十分資深，令她獲益良多。

重拾大學生活

Winkie覺得這次學戲令她重拾讀書時的感覺：「好似返番去大學嘅生活，落堂又會同老師去飲茶，又有畢業禮，依家同其他同學仲有Keep住聯絡。」她又表示透過學戲，令她更了解自己的價值。