無綫劇集《巨輪》反應不俗，帶挈男主角蕭正楠（Edwin）接Job接到手軟。Edwin由歌手轉型做藝人，捱足六年終於憑劇集再彈起的他說：「我唔覺呢幾年係捱，以前做歌手就真係捱喇！做嘢冇方向冇信心，每個月都擔心下個月有冇工作，心態上最難受！」當年在樂壇失意，為生活北上發展，他坦言並非自己最想要的工作，北上三年後為了媽媽決定回港發展，遇上伯樂何麗全並加入無綫。

代言餅家的蕭正楠落手落腳學切花生糖。

爆紅後的他身價急升一倍，現已計劃買樓讓家人有個安樂窩。最近Edwin更成為澳門著名手信餅家的代言人，酬勞達七位數字，他說：「最開心係佢哋對我嘅認同！」其實十年前他也拍過餅店廣告，可惜劣評如潮，被取花名之餘更嚇走廣告商，他笑言對十年前的廣告印象相當深刻，至老死都會記得：「證明喺邊度跌倒，就要喺邊度企番起身！」