o靚模王璐瑤（LuLu）養了5年的兔仔阿Bee突然逝世，使她早前在公開活動中痛哭人前！LuLu講述事發經過時仍難掩悲傷：「嗰日阿Bee匿埋喺梳化度，我一拎佢上嚟，佢就突然跌低，仲全身抽搐，嚇到我即刻送佢去動物診所，初頭醫生幫佢吊鹽水，但點知我走咗15分鐘，診所就同我講佢唔得喇！真係好傷心，不過依家心情已經平復咗！」心愛的兔仔突然離開，LuLu仍難忘昔日回憶：「阿Bee好百厭o架！因為佢係男仔，所以一到春天就思春，纏住我瞓覺。仲有佢一到夏天就會趴喺我房門口，因為知道我間房開冷氣，識得走埋嚟抖涼！」

阿Bee生前百厭又醒目，深得LuLu歡心！