前「Canon女」Melanie Z.明年將成為新娘子，下嫁拍拖5年多的英國籍男友。Melanie不但親自設計結婚戒指，更準備好餐單及自家面膜，希望以最佳狀態示人。她又坦言婚後不設防，生夠一仔一女就最好！

Melanie婚後會繼續留港工作，努力發展模特兒事業！

愛天然的Melanie堅持食得健康，明年一於做最美新娘！

前「Canon女」Melanie Z.將在明年6月下嫁拍拖5年多的英國籍男友，忙於籌備婚禮的Melanie表示會親自設計結婚戒指：「我已經設計好結婚戒指，依家就計劃緊着咩婚紗，雖然我係鬼妹仔，不過都會着裙褂，到時仲會叫媽咪一齊幫吓眼。」不過她自言沒有兄弟及姊妹團，因為希望每位賓客都能感受婚禮的氣氛，她說：「我同未婚夫會搵4個最好嘅朋友做伴娘同伴郎，但唔會搵太多人！」

Melanie又表示婚後不設防，希望可以愈快生小朋友愈好：「我唔想等到年紀大嗰陣，照顧小朋友會吃力，所以都想快啲生。（想生仔定女？）其實冇所謂，如果要揀嘅話，我希望可以生女，因為可以幫佢扮靚。不過未婚夫想生仔，因為可以同佢玩運動，所以我希望生一仔一女，咁就完美啦！」

自製限量Mask護膚

另外，食得健康的Melanie已為未婚夫Set好健康餐單，盡量避免食油炸食物，希望當日齊齊以最佳狀態示人，她說：「食得好先可以改善皮膚，所以我同未婚夫會盡量食多啲菜，同埋會喺屋企煮飯，咁樣會食得健康。」她又化身「美容達人」整自家製面膜：「可能香港天氣差，所以成效會慢啲！面膜有啲成分喺香港搵唔到，相信我都要返美國先可以再整新嘅面膜。」