華姐鄧佩儀（Gloria）最近首次拍劇，扮演黃宗澤的妹妹，沒有演戲經驗的她做足準備工夫，在家用iPhone自拍做練習，又不斷翻看片段以作改善，這個練戲方法認真夠新潮，果然是90後！

Gloria想到用手機自拍練戲，90後果然夠潮！

Gloria第一次拍劇，發覺演戲比想像中難得多！

Gloria與前輩黃智賢一起拍《點》劇，獲益良多！

由溫哥華來港發展的應屆華姐冠軍鄧佩儀（Gloria）最近被無綫安排拍攝劇集《點金勝手》，劇中她飾演黃宗澤細妹，首次拍劇的她事前做足準備，除了在家中熟讀劇本外，現年只有20歲的她更自言有一套新潮方法練戲：「自己喺屋企用iPhone一路拍住一路試吓做戲，錄完之後睇番表現，作出改進，戲裏面同哥哥唔係咁咬弦，有場戲我嘅情緒起伏好大，自己喺屋企不斷自拍練習，做咗20幾次先滿意。」

多得Ben哥指點

Gloria表示以往看電視劇不會覺得演戲難度高，但親身嘗試拍劇後才發現實在很難，她說：「演戲要做到好自然原來係好難，見到黃宗澤同黃智賢佢哋一埋位就可以好入戲，覺得佢哋好犀利，睇佢哋開工真係學到好多嘢！」個性文靜的她初拍劇就愛上演戲，她笑說：「好鍾意演戲，好享受，好好玩！我比較慢熱，平時唔係咁多嘢講，做戲就最好啦！有晒對白，唔使諗嘢去講，哈哈！」Gloria又特別感謝前輩黃智賢的提點，她說：「最初開工都會有啲緊張，Ben哥好好，知道我係新人，開工時會提點我啲對白應該點講，同埋個反應要點做。」