梁慧恩與友人集資8位數字搞甜品生意，她自爆老公只是精神上支持，但她對生意非常有信心，希望一手一腳與友人做出成績！

Viann為了搞榴槤甜品生意，專程飛星馬兩地取得經營權，非常威水！

拍檔大廚Victor經驗豐富，Viann有空當然要向他偷師！

Viann的鎮店三寶連不吃榴槤的朋友都大讚不已！

嫁入豪門的前節目主持梁慧恩（Viann）雖然要兼顧學業和工作，但仍沒有停下來的念頭，最近她搞榴槤甜品生意，還花了半年時間籌備，她說：「今次我同朋友集資近8位數字，當然唔係搞一間舖頭要用咁多錢，而係我哋特登去馬來西亞同新加坡，傾咗一個頂級貓山王榴槤甜品特許經營權！呢個特許經營權仲會去到廣東省同澳門，貓山王係頂級榴槤，味道甘香，好多人鍾意食，但由於產量唔多又難保存，所以好矜貴，大型超市買一個要700-1,000蚊！我哋想將呢種咁好嘅美食，做到平民化嘅價錢，所以都傾咗好一段時間！」問到Viann今次搞甜品生意，老公林忠澤有否在經濟上作出支持？她笑說：「佢精神上支持我，佢有自己嘅生意，所以呢間甜品店我會同朋友一齊搞。」

朋友食到唔停口

Viann首間甜品店開於元朗，由擁有30年製作貓山王甜品經驗的新加坡師傅兼Viann生意拍檔Victor主理，他主理的榴槤甜品堅持「不溝」，用純貓山王榴槤作甜品餡料，加上一些特色創意，製作多款賣相極佳的美味甜品，Viann說：「我哋有7、8款甜品，最緊要質量好，其中鎮店甜品貓山王雪糕同貓山王班戟夾餅，連一向唔食榴槤嘅朋友嚟到舖頭試食，都食到唔停口！所以我好有信心！」