藝人陳智燊（Jason）早前升呢成為男主角，更有份參演最近熱播的台慶劇《法外風雲》。他表示能夠參演已感到非常興奮，更自爆於片中與王浩信有激烈對打的戲份：「本身我係好保護家人，之後會變得衝動，仲會同王浩信打交，都幾激o架！（角色性格似唔似你？）我覺得係最似嘅一個，大家都係重情義同孝順。」

陳智燊唔心急做業主，但希望將來置業後可與家人同住。

不少香港人都想成為業主，Jason卻表示未有打算：「未諗到，如果一定要買，最少都要800呎，我想同屋企人住。記得啱啱入行時，我住上環，有時凌晨4點先收工，第2日又要朝早7點開工。我連的士錢都冇，所以去休息室瞓，但其實嗰度幾舒服。」