組合冬甩前成員胡心諾（Rainbow），轉投新公司後積極轉型，除了將頭髮由金色染成黑色外，更決定收起事業線。雖然未知觀眾的接受程度如何，但單看外形絕對比以前「入屋」。

Rainbow轉投新公司並改變造型，決心洗甩模形象。

收起「事業線」的Rainbow，自言不怕工作量因而減少。

Rainbow（右二）曾與冬甩拍性感寫真，獲男粉絲奉為女神。

過往行性感路線及染金髮的Rainbow，現已改行「乖女」路線。

胡心諾離開冬甩後，看似銷聲匿迹，原來她已秘密轉投新公司。以往常常露肉，Rainbow表示早已厭倦「被Order」露肉，故決心轉型做乖女。她自言今次並非「易容」，因乖女才是其真本性：「本來都唔係咁嘅人，以前係工作需要先性感，依家染番黑啲頭髮，衣着唔會好似以前咁性感，覺得舒服啲，斯文啲。」

拒重行火辣舊路

網友常說：「你的樣子如何，你的日子定必如何。」決心轉型的Rainbow似乎甚抗拒過往的火辣形象：「如果有得重新嚟過，我一定唔會行呢條路！」問到會否怕轉型令工作量減少？她笑說：「咁又唔係完全唔性感，睇工作需要，只要形象健康就接受。」