藝人張紫櫻（車車）早前做孝順女，與母親及兩名姊姊到韓國首爾旅行，此行是她繼三月隨錢國偉到首爾拍旅遊特輯後，第二度遊韓國，她說：「我高度推介大家去首爾大公園玩，園內有好多動物，唔同時段可以餵唔同動物，之前最多都係接觸豬、羊，今次我餵咗袋鼠！以前袋鼠畀我嘅印象係識打拳，哈哈！今次接觸完袋鼠先生，發覺佢哋好得意、好可愛，我高度推介大家去呢度玩！」

到韓國旅行的車車，不忘扮韓國天王Psy的招牌騎馬動作。

袋鼠輕抓車車的手掌，令她大感興奮！

但車車在旅程中卻發生了不愉快的事，她說：「唔知係咪語言溝通唔到，搭的士被拒載，就算我哋車程唔短，而且專登揀啲唔係等咗好耐客同埋專門服務遊客嘅車，但唔知點解司機嘅英文同態度都唔係咁好，搞到我有少少嬲！後來我哋去食飯，餐廳畀中文菜單我哋點菜，埋單至話收韓文餐單嘅價錢，話中文菜單價錢唔Update，我覺得有少少委屈！當然，呢兩單係個別事件，韓國都有好友善嘅人！」