樂壇校長譚詠麟與李克勤12月舉行的《左麟右李》演唱會一票難求，昨日宣布第三度終極加場，校長事前張揚會將熱爆的「鄭多燕瘦身舞」發揚光大，但克勤拒穿緊身衫，笑言怕嚇壞一對兒子。

校長（左）與克勤扭晒Pat的舞步，叫人期待。

「麟李」與Eric Kwok（中）為演唱會主題曲錄音。

校長與克勤昨日在錄音室為12月6至15日於紅館舉行的《歐洲坊鐘錶與溥儀眼鏡聯合呈獻左麟右李十週年演唱會》主題曲《跳啦河馬》錄音，並宣布加開12月8日的日場，合共開13場，校長說：「爭人哋好多飛債，還唔切都冇辦法。」音樂人Eric Kwok笑指得知要為「麟李」寫一首關於鄭多燕瘦身舞的歌時，腦裏已有很多想法：「老婆Grace都有跳，所以我即時幻想到佢哋喺台上跳個樣。」

問到會否穿緊身衫跳瘦身舞時，校長笑說：「我就冇所謂，不過克勤啲細路仲細，唔知佢哋會點諗。」克勤大表認同：「始終有小朋友嚟睇，到時我要畀佢哋問點解着成咁！」校長揚言要試驗瘦身舞的成效，故特意先「食肥」再跳，笑言是為藝術而犧牲。

想準時開騷

對於有歌迷向海關轄下的商品說明條例部門投訴，校長說：「我哋都想準時開騷，好多時係紅館避免混亂，要衡量到一定嘅入座率先開場。」校長又自嘲有「後台抑鬱症」，他笑說：「喺後台等得耐我會諗好多嘢，上台又會亂咁創作。」