DaDa Hidy惡搞娜姐谷戲

電影《爆3俏嬌娃》即將上畫，有份與師姐周秀娜合演的盧頌之（DaDa Lo）及余曉彤（Hidy）日前肩負宣傳重任，趁娜姐不在港即落手落腳搬吹氣不倒翁到戲院，期間更發揮「搞事」本色，不斷喪踩及「襲擊」娜姐的不倒翁！Hidy事後雖笑言無懼被責罵，但仍急急拉埋「幫兇」DaDa「補鑊」，狂咀娜姐的不倒翁，錫勻全身呵番！而DaDa自爆「爆衫」趣事谷人氣：「之前同Hidy一間酒店房，朝早起身突然喺佢面前爆開咗件衫，入面仲要真空！」而《爆》片主題遊戲Apps日前登場，率先試玩的娜姐直言玩Game可減壓。