緋聞男女周秀娜和關楚耀（Kelvin）及羅家英等前晚錄影節目《超級無敵獎門人終極篇》，單身的娜姐表示因工作繁忙而未找到真命天子：「就算有好感，大家都好難了解，呢排宣傳電影先見多咗Kelvin。（爭取時間了解？）我會o架喇！」而Kelvin亦不排除跟娜姐有發展的空間：「最近睇報道話佢要守齋，陪佢一齊食齋囉！」

周秀娜與關楚耀落力玩遊戲贏獎品，相當合拍！

眾人玩遊戲時全不顧儀態兼有欠衞生，家英哥玩「口不對心我至勁」環節時不慎舉「中指」，帶病的他亦不能避免被罰食辣辣壽司：「阿姐叫我唔好食壽司，佢話如果食咗有咩事就搵志偉負責！」他受訪時指演藝人協會會長已有人選：「據聞人選有兩個，係爾冬陞同吳思遠，但係小道消息。」