甄子丹老婆汪詩詩昨日出席昭儀翠屋開幕活動，有指子丹前妻的兒子甄文焯（Jeff）入院，但子丹卻沒到醫院探望，詩詩澄清：「子丹同Jeff關係好好，一向有聯絡。Jeff係入咗醫院，但當時子丹喺北京拍戲，唔可以返香港。」她表示子丹得知Jeff入院，即與醫生溝通，而醫生亦表示Jeff情況良好，毋須擔心。問到子丹與前妻離婚多久？她說：「18年。（子丹有同Jeff聯絡？）一直都有聯絡，因為我哋都係以家庭為先嘅，關係一向好好。（你同Jeff有短訊來往？）有，我哋成個禮拜都有聯絡，佢話康復得好好，已經出咗院。」

汪詩詩指子丹得知Jeff入院後，即時與醫生溝通。