吳啟華與楊怡為台慶劇造勢，問到網民發起「熄電視」撐香港電視時，啟華則力撐無綫，指政府不發牌，其他人不應怪無綫，又認為其他電視台的製作根本贏不了無綫。

啟華指政府不發牌給港視，不能怪責無綫。

楊怡與羅仲謙情人同場特別開心。

傳獲力捧的馬國明（前排左二）企個靚位，與台前幕後人員合照。

吳啟華、楊怡、馬國明及羅仲謙等昨日齊集醫院宣傳無綫台慶劇《On Call 36小時II》，對於有網民發起「熄電視」行動，呼籲政府發牌給港視，曾為亞視効力的啟華指無綫根本不受港視影響：「做咩要咁做？（指熄電視）依家都有亞視，但大家始終都係睇無綫啫，過去亞視都有Fight（搏鬥）過，曾經一套由前無綫監製鄧特希所拍嘅《法網群英》，質素唔錯，但當時點解大家都係睇番無綫呢？如果『港視』有牌，到時佢有劇出，而無綫又出套《On Call III》，咁命運咪又係同亞視一樣，根本冇分別！今次事件，只可以話政府唔發牌，但唔關無綫事，唔可以怪佢。無綫咁多經典劇，海外咁多觀眾鍾意，『港視』出嚟一定得咩？我唔覺得係喎！我唔信『港視』贏到無綫！」

有傳陳豪離巢，馬國明獲力捧上位，馬國明笑說：「乜唔係用獎嚟留佢咩？應該先留陳豪，過兩個月後再捧我！（爭視帝？）戰況激烈，我能躋身五強已可還神！」

楊怡未續約

同場的楊怡被問到是否隨經理人離開無綫時，仍有合約的她說：「明年先滿約，現正談條件，但會以無綫為首選，希望有更多時間陪媽媽，或有機會多拍電影、到內地發展。」她又強調不清楚經理人去向。

此外，雖然有「熄電視」行動，但無綫黃金時段收視較去周同時段相差不算很大，其中《最佳女主角》收視不變，兩線劇《法外風雲》及《巨輪》只跌1及3點，而《東張西望》及《愛．回家》則跌了4點。