大騷四吋事業線兼修長美腿的Mandy Lieu指為求見偶像池珍熙而一早到場，問到是否以性感吸引偶像注意？她笑說：「都想引其他人注意，哈！從來唔追星，如果合照成功佢係我第一張郵票。」當池珍熙到場時，Mandy乖乖地坐在一旁等見偶像，最終成功與偶像合照兼握手。問到覺得池珍熙身材如何，她說：「好Perfect，外形好斯文，好有男人味！（如果佢操到成身肌肉好唔好睇？）我諗都會適合，都好想睇。」

性感上陣的Mandy（左）與婷婷有幸近距離接觸池珍熙，難怪笑容滿面！

同場的謝婷婷則透露已三個月沒見姪兒，很想念他們，但因萬聖節要工作而沒有相約。她笑指兩名姪兒常爭住「冧」她：「好少講電話，但佢哋有留微信話好掛住我。佢哋好識氹人，雖然唔係成日見，但都知姑姐係邊個。」期間更眼泛淚光。