潮人徐濠縈前晚出席時裝品牌Carven於上海舉行的首場中國時裝騷，對於老公陳奕迅（Eason）指當年她懷孕時虧欠她，阿徐說：「好彩佢陪我入產房，我了解佢性格，知佢大細路，冇Expect佢做普通爹哋責任。」她又表示沒有產後抑鬱，但產後數日老公便到內地拍劇，幸得媽咪幫手，她又略帶埋怨地說：「忙到冇時間，都辛苦，Eason冇乜幫，好少抱個女。（佢買嘢補償？）一向任我買，但我唔在乎物質，最重要搵時間同囡囡去旅行。佢以前係工作狂，知佢有盡力，以前係疏忽少少。」

徐濠縈（左起）、名模杜鵑及孫儷睇時裝騷取經。

Amanda S.笑指老公有「痛腳」。

同場的Amanda S.與老公Christian拍拖亮相，她透露老公早前踢足球後脫鞋周圍跑，結果弄傷腳趾尾，現要紮着右腳，又笑說：「依家佢返到屋企扮BB，咩都叫我做。」內地女星孫儷則透露參演的內地劇《明月傳》要待明年下旬才開拍。