袁彩雲、姚瑩瑩和劉曉彤前晚為《超級無敵獎門人終極篇》擔任嘉賓，這3位當年的無綫姐仔，做媽咪後「發福」成師奶！袁彩雲透露兩個半月大的囡囡一度不足磅：「初時餵奶唔知餵幾多先啱，醫生話食得太飽唔好，有段時間BB原來唔夠飽，不過依家已經正常番。」談及丈夫在溫哥華經營的餐廳被指欠數百萬租金？她說：「原本喺一個商場開咗兩間新餐廳，但人流麻麻，搬咗去另一個地方，可能溝通得唔好，錢銀轇轕仲有待解決。」至於另一嘉賓黃德斌則表示，對老友陳豪被指約滿無綫後自立門戶一事不知情。

袁彩雲（左起）、姚瑩瑩和劉曉彤齊齊「脹」住錄影《獎門人》。

張學友（右）與導演周冠威一同出席試映場。

另外，歌神張學友前晚現身亞洲電影節試映場，問到會否接替曾志偉做演藝人協會會長？他說：「唔會啩！我做過副會長，比較擅長表演，我諗大家知我做唔嚟。（有傳黃秋生做？）佢做有說服力。」

此外，外界對昨晚的「熄電視」行動反應冷淡，銅鑼灣區不少大型電器連鎖店內的電視仍播放無綫高清台的節目，不少食肆收看《巨輪》，大型商場外的大電視亦如常運作。