周麗淇
周麗淇（Niki）昨日以Tube Dress襯金飾為Just Gold鎮金店拍攝廣告，一副新娘子模樣，問到有否預留幾套金飾作嫁妝？她說：「到時先算，到時啲款又唔同咗。（媽咪有冇金器畀你？）佢之前講過話有，為我同家姐準備咗。我之前趁金價低都有買金，係媽咪叫我買，當係保值，而且我都鍾意戴金飾。」Niki又透露為品牌首次設計首飾：「係為情人節設計，以三葉草做概念，代表一男一女一個小朋友。（呢個都係你目標？）到時唔知係咪生一個，兩個好啲，有得溝通。」她表示未有就設計詢問男友意見，並否認因拍拖而特別多靈感，至於會否叫男友捧場購買由她設計的首飾？她尷尬地說：「要問番佢！」
