前港姐冠軍陳庭欣（Toby）最近撈過界，與幾名圈外友人合資在銅鑼灣開設樓上日式餐廳，Toby更豪擲六位數，並一腳踢負責裝修及買擺設，雖有不少觀音兵幫手，不過Toby怕傳緋聞而一一婉拒，寧願親自上陣做苦力。

Toby落手落腳搬大花樽，但似乎相當狼狽！

Toby親自揀選鮮花作為店舖裝飾。

Toby其後再化身大力士將花樽搬上座駕，認真厲害。

Toby日前獨自到旺角花墟為餐廳添置裝飾，她走入一幢三層高的商店，期間被街坊包圍索合照，並讚她「真人靚過上鏡」。其後她揀選大花樽，又化身大力士由三樓捧往地下付款，並拿着香薰劑及玻璃球裝飾，行到一拐一拐相當狼狽，更不顧儀態踎低整理。其後她再將花樽搬上座駕，只見她深呼吸喊晒口面，老闆娘認真唔易做！