謝賢的母親早前去世，他與家人赴澳洲奔喪，但有指前媳婦張栢芝禁止兩名兒子參加喪禮。謝婷婷前晚出席活動時表示不清楚，但坦言兩名姪兒未有奔喪，並透露已辦妥嫲嫲的身後事，亦已平復心情。有指栢芝沒有讓兒子上學，問到可會擔心姪兒？婷婷說：「返學好緊要，我諗每個人都會咁答。（會唔會同佢傾吓？）呢個唔到我傾，但相信哥哥會同佢溝通，做父母都會為小朋友着想。其實我每次見佢哋都好精靈聰明，但唔代表唔使返學。」提到霆鋒日前戲言想與王菲復合？她笑說：「咁有趣？我諗佢應酬記者啫！其實佢哋一齊嗰時我仲讀緊書，所以我未見過，亦唔識王菲。」

婷婷已平復心情，出席活動時狀態不俗。

提到有指栢芝不讓兒子奔喪，謝賢即面露不悅，急步與友人入食店。

此外，謝賢昨日與友人到名人飯堂福臨門用膳，提到有指栢芝禁兒子奔喪一事時，他火爆地說：「我都唔知點答你？咪問呢啲問題！」