曾對DaDa讚不絕口的邵音音，得悉對方有意復出後，感到非常高興：「我呢排忙緊舞台劇綵排，都冇試過聯絡佢。當日佢咁辛苦，有名有利都離開一定有原因，但如果決定出番嚟做幕前就梗係好，人要工作嘛！我好想同佢合作，黃金拍檔喎！」

杜汶澤支持DaDa復出，並寄語對方不要再衝動行事。

至於身在東京拍戲的杜汶澤，得知DaDa有意復出後說：「我無任歡迎喎，反正我曾經講過，年尾有部戲預咗佢，個角色一直保留住。不過，今次之後希望佢明白衝動會付出高昂代價，以後凡事三思，亦希望佢再同我合作，萬一又話要退出，一場相識最好盡早通知囉！」