現年49歲的雷宇揚，其太太前日一索得男，取名「雷庭」寓意以家庭為重。身為「鬼王」的雷宇揚為了迎接新生命，不惜推掉不少萬聖節搵銀機會，初為人父的他這兩天忙着學習照顧BB，他笑說：「BB個樣分分鐘都唔同，啱啱出世時似雞尾包！太太諗住尋日開刀，點知BB提早一日要出嚟，搞到我手忙腳亂！」雷宇揚坦言從沒想過當父親，但太太喜歡小朋友：「佢諗住生個女o架，會再追啩！我哋計劃喺香港留幾個月，等BB大啲先將佢帶返廣州屋企，都開始搵定國際學校嘅資料，依家小朋友讀書要早啲搞。」

初為人父的雷宇揚與太太錫錫寶貝仔雷庭，溫馨滿瀉！