蕭正楠（Edwin）、田蕊妮和張繼聰等昨日宣傳劇集《巨輪》，宣布網民選出喜愛角色三甲，談到台灣歌手蕭敬騰保母車司機被潑糞，Edwin表示也有留意新聞，更指新劇角色被網民鬧爆，有網友更欲燒死他，問到有否擔心有同樣遭遇，Edwin說：「咁火燒啦！唔好潑屎咁核突，好難洗。（出入小心啲？）香港係法治之區喎！」而張繼聰則透露雖然未有被潑糞的經驗，但為安全起見，日後坐保母車亦會選擇坐最後一行。

李司棋（左起）、田蕊妮、阮兆祥、蕭正楠和陳展鵬，昨日齊齊出席劇集宣傳活動。

至於阿田則笑指前晚播出狂掌摑宋熙年的一幕，看見畫面也感心寒：「杜汶澤好賤，留言話大家都知佢平時係點生活。（佢日本拍戲風流快活？）開頭就興奮，依家應該有啲事，等我返嚟Check吓佢先，應該會好厭嘞！」