無綫行政主席梁乃鵬日前宣布實行工時限制，旗下藝人當然齊聲讚好，親生女徐子珊昨日亦大呼開心，還希望公司加人工，而在新劇演懲教署職員的她，將會與吳啟華有感情線。

子珊呢身打扮咁養眼，果然係秋「峰」起喇！

見吳啟華（右）和黃德斌扶住受傷的王浩信，都估到新劇有動作場面。

子珊在新劇中飾演懲教署職員，與滕麗名有對手戲。

徐子珊昨日穿低胸連身裙出席Honda電單車活動，大晒事業線，引來大批市民圍觀，她透露向來喜歡電單車，但沒有該類別車牌，故以往拍攝駕駛電單車的戲份時大多用替身，雖然大學時的男友懂得駕駛電單車，但她不諱言坐在後方當乘客時也感怕怕。

「撻着」啟華Kiss埋

對於無綫實行工時限制，正拍攝新劇《點金勝手》的子珊坦言未有留意：「呢排拍劇拍到個人迷糊晒，尋日晏晝開工，今朝收凌晨五點，但聽到都開心！（想公司改善啲咩？）樣樣都想，加人工就最開心！」談到有前港姐狂呻於無綫工作時的慘況，子珊說：「選港姐後頭一年有月薪，但要視乎攞幾多個獎。我好彩未過港姐任期已經拍劇，亦有接外面嘅工作，但我唔了解其他同事嘅工作情況。」

此外，她將於明年一月拍攝新劇《再戰明天》，與吳啟華、王浩信、黃德斌和黃心穎等飾演懲教署職員，日前眾人到監獄拍攝節目巡禮，監製林志華表示劇集以實景作賣點，更會有爆破及暴動場面，拍攝過程嚴謹，他說：「之前去監獄拍，帶咩入去就要帶番咩出嚟，試過唔見咗支針要周圍搵，亦唔可以帶手機入去。」劇中子珊與啟華有感情線，少不免有Kiss戲，林志華更劇透：「劇中啟華大子珊十幾年，子珊當佢Uncle，後來先發展成情侶，子珊仲會幫啟華擋刀。」