鄧萃雯昨日出席《我讚！Praisage》活動宣揚「日行一讚」文化，對於無綫行政主席梁乃鵬揚言要培育無綫大家庭文化，以增加員工歸屬感，她說：「有個開始係好，但TVB係大公司，好有制度，唔係一下子見成效，仲有好長遠嘅路，人才出咗去，亦唔係話咁易返去。（你喺TVB時，覺得歸屬感如何？）我覺得管理層唔係好知員工需要，員工超時工作、冇得瞓、收工冇車搭，管理層有冇去了解？梁生話唔再超時、冇劇本下開工，點解？呢啲一層層嘅問題影響咗人心、士氣同員工健康，公司點樣進步呀？」

鄧萃雯豎起拇指提倡「日行一讚」文化。